تحب تشتغل عند ربنا..؟

اللهم اجعل عملنا كله صالحا, واجعله لوجهك خالصا, ولا تجعل فيه لأحد غيرك شيئا

احبتى فى الله

موضوعى اليوم عن الدعوه الى الله ..

وتعالوا نشوف ما هى قيمه وحلاوه وثواب الدعوه ..

يعنى ايه ادعوا الى الله ..؟

يعنى كيف اننى اعين صاحبى او اخى او قريبى واقربه من ربنا ..واحببه فيه ..

على طول بتكلم مع الناس فى الدين وعلى طول واخد معايا واحد وانا نازل ازور مريض او رايح المسجد ..

واكلم عمتى..واكلم مع اقاربى .. وجارى ايقظه لصلاه الفجر ..

انا دعوه متحركه انا منبر متحرك يذكر الناس بالله فى كل خطوه وكل دقيقه وكده اكون فهمت الاسلام صح ..

واخلى الامه كلها داعيه الى الله..لان ذلك ما يريده الله من امتنا ..

كان يريدها كذلك لما قال لهم يا امه محمد انتم خير الامم ..

{كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ } [110] سورة آل عمران

وبدأ الامر بالمعروف والنهى عن المنكر قبل الايمان بالله.. رغم ان بعضكم يقول انه المفروض العكس..

لكن سبحانه بدأ بيهم لان الامر بالمعروف والنهى عن المنكر سوف ينتج عنه الايمان بالله ...

فالخيريه فى الامه دى بالامر بالمعروف والنهى عن المنكر وصلتها بربها .

طيب ما تيجوا كلنا نشارك فى الموضوع ده ونقوم بالدور ده ونمارس الدور ده ..تعالوا الاول نعيش قصه الدعوه الى

الله..

يقول الله تعالى :

( قُلْ هَٰذِهِ سَبِيلِي أَدْعُو إِلَى اللَّهِ ۚ عَلَىٰ بَصِيرَةٍ أَنَا وَمَنِ اتَّبَعَنِي ۖ وَسُبْحَانَ اللَّهِ وَمَا أَنَا مِنَ الْمُشْرِكِينَ (108)يوسف

(قل هذه سبيلى...) .يعنى قل يا محمد هذه سبيلى ادعوا الى الله ...على بصيره ...بحكمه وبموعظه حسنه انا ومن

اتبعنى ..

الايه جعلت الدعوه فريضه يا جماعه خلاص الموضوع خرج من ايديك مش بمزاجك انتم مش بتحبوا النبى صلى الله

عليه وسلم ..يبقى لازم تعملوا مذله ..

لازم تدعوا فكل من اتبع النبى ومشى طريقه وجب ان يفعل كما فعل النبى فيدعوا مثله الى الله

وفى ايه كمان تقول : وَمَنْ أَحْسَنُ قَوْلاً مِمَّنْ دَعَا إِلَى اللَّهِ وَعَمِلَ صَالِحاً وَقَالَ إِنَّنِي مِنَ الْمُسْلِمِينَ

ففي هذه الآية الكريمة بيان أنه لا أحسن قولاً ..ولا احسن عملا ولا احسن هدف ..ممن دعا إلى الله، ..

وفي ذلك غاية الحث على الدعوة،..

عندما سمع الحسن البصرى هذه الايه قال::

دعا الى الله ذلك حبيب الله ..ذلك ولى الله ..ذلك من اصطفاه الله من عباده ...

عايزين نطلع من الموضوع ده وكلنا يدعوا الى الله حتى لو مش عارف بس حا نحاول كلنا ..

العلماء بيقولوا احسن من اصطفاهم الله فى الترتيب هم::

الانبياء وبعدين الشهداء وبعدين الدعاه

يا شباب ..يا بنات ..يارجاله..يا ستات.كونوا اصحاب رساله

عارفين يوجد حديث خطير جدا للرسول صلى الله عليه وسلم يقول : بلغوا عنى ولو ايه ..بلغوا يرحمكم الله

ايه واحده مش شرط انك حافظ ايه قرانيه ممكن ايه كونيه عن عظمه ربنا وقدرته ..

انطقوا ياجماعه .اتكلموا .نفذوا وصيه رسولكم صلى الله عليه وسلم لكم

قال لكم : بلغوا عنى ولو ايه ..بلغوا يرحمكم الله .. لا يجوز ان تكون هكذا انقل عنى واخبر عنى

ولذلك النبى يقول فى كل خطبه يقولها ايها الناس فاليبلغ الشاهد الغائب ..فرب مبلغ اوعى من سامع ..

وانا اقول لكم نبينا صلى الله عليه وسلم قال كده ..

يا ناس ياللى عايشين بدون طعم وهدف انا ادلكم على احلى طعم وهدف فى الحياه ..

ومن احسن قولا ومن عيشه ومن احسن ترتيبا ومن احسن وضوحا...

كل واحد لازم يقول : انا عندى هدف انا عايز الناس كلها تهتدى..

ولذلك لو نظرت الى السيره النبويه تجدها هى سلسله دعوه...

قصه الاسلام كلها دعوه..

تعالوا نلقى نظره عليها ..النبى اول ما دعا رجل ا سمه ابوبكر اول ما يدعوه النبى يقوم يقوم بدوره بدعوه سته من

اصحابه ويكونوا من المبشرين بالجنه...

ويوجد نقطه هامه هنا ابوبكر كانت ايه معلوماته فى الدين وقتها..مضى عليك كم يا ابوكر وانت مسلم ..اسبوع واحد فقط

يا ناس ياللى تقولون انا ما عندى معلومات ..

انت معلوماتك اكتر فى الاسلام ولا ابو بكر ..انت كم عمرك فى الاسلام ..؟ وابو بكر وقتها كام عمره ..؟

اكيد انتوا طبعا ..معولماتكوا ما شاء الله .طيب ممكن اسالك سؤال ..؟

هوابو بكر كان بيدعوا باى شئ وحتى يؤثر فى سته من المبشرين بالجنه..؟

عارفين بايه بالغيره على الاسلام.. و انت كمان تعلم بوجود الله وتعرف انه يوجد جنه ونار واننا راجعين لربنا تانى يوم

القيامه ...

خلاص حلو قوى تكلم بيها انت مع الناس صعبه دى....؟

سيدنا على اسلم وعنده ثمانى سنوات..يعنى طفل ورغم ذلك دعا صحابى جليل اسمه ابو ذر الغفارى

يا شباب..يا بنات .. مضى عليك قد ايه وانت مسلم اخذت بيد كام واحد من اصحابك قى طريق الخير عملت ايه لدينك

فى العشرين سنه من حياتك ..؟

عارفين واحد صحابى اسمه الطفيل بن عمر الدوسى قعد مع النبى اسبوع واحد فقط والنبى صلى الله عليه وسلم قال له :

قم ادعوا قومك قبيله دوس ايه المعلومات اللى عند الطفيل..عشان يروح يدعوا قومه بيها ويسلم على ايده عارفين

مين..؟

اه مضبوط ابو هريره كلنا عارفينه ويروح للنبى بعد 3 سنوات ويقول له يارسول الله لم يسلم الا ابى وامى وابو هريره

فيرجعه النبى لقومه مره اخره ويعود بعد سبع سنين وبعد صلح الحديبيه للمدينه وقد اسلم معه كل قبيله دوس .

طيب الستات سوف تقول وانا كمان لا استطيع..حا اقول ايه ..؟

اقول لك ..لا

انتى عارفه ام شريم اللى من قبيله غفار واللى دعاها ابو ذر الغفارى .

اجتهدت على نساء القبيله كلهم ولم تكتفى بذلك بل كمان ذهبت لمكه تدعوا نساء الكفار هناك وذاع صيتها فى مكه حتى

طردوها من مكه ولكن هم يطردوها بالليل وترجع خلسه تانى بالنهار وهكذا حتى ضيقوا عليها الخناق وقادوها بانفسهم

وربطوها على دابه الى خارج مكه لكى يوصلوها بانفسهم الى قبيلتها..

ولكن ام شريم بتشتغل مع مين .؟؟ اه ربنا سبحانه الذى لن يضيها

ويستريحوا هم فى الطريق ويتركوها مربوطه على الحمار بدون شربه ماء فى الشمس انتقاما منها ولكن عشان هى

بتدعوا الى الله فلن يضيعها الله وتنزل عليها المعجزه وينزل لها الماء معلق فى الهواء حتى ترتوى وتشبع ..

ويحضر الكفار اليها فيروا اثار الماء عليها فيتعجبوا .. ويتركوها ويهربوا ..ويسلموا بعد ذلك ..

يا اختاه اشتغلى مع الله ولا تنكسفى حا تقولى له ايه يوم القيامه انا يارب لم اقدر ابلغ عنك ..

ام تقابليه بذنوب كتير بس تقولى له يارب انا كنت شغاله معاك .بس انا كنت بحب احبب الناس فيك .يقوم يمسح لك كل

ذنوبك ...

طيب اقول لكم حاجه لو انت شغال فى شركه وكان المدير بتاعك راجل طيب وكريم معاك قوى مش تمدحه فى كل جلسه

مع اصحابك ..

وفى كل قاعده تتكلم عنده عشان هو كريم معاك .وتعمل له نشره عند كل الناس ان الريس بتاعك راجل كويس ..

طيب ليه ما بتعمل كده مه ربك اللى احسن من الكل ..

يا جماعه ده الجن دعوا الى الله وقالوا :اجيبوا داعى الله

خليك صاحب الرساله

انا خايف عليكوا احسن تقول انا كويس وتقعد تتعبد فى المسجد وتصوم وتحج وتصلى وبس..

خلى بالك فيه حاجه تخوف اكتر..؟يحصل لك مثل العابد الذى كان يتعبد فى صومعته .ويترك الناس تعيش فى الضلال

خارجها ..ويترك قريته العاصيه ..

ويرسل الله سيدنا جبيل لاهلاك هذه القريه ويجده جبريل يتعبد فيقول :

يارب ان فيها عبدك فلان يعبدك ..

فيقول له الله يا جبريل به فابدأ لان وجهه لم يتمعر من اجلى..

يتبقى داخل المسجد معتكف والناس خارج المسجد يشتموا ويتخانقوا وانت كاأنك مش سامع..

تبقى نازل تصلى الفجر بالراحه عشان جارك ما يحس بيك وتلاقى حارس عمارتك بيمسح لك سيارتك وما تأخذه معاك

للمسجد ..

انا خايف عليكوا تكون به فا أبدأ ..احنا يا يا جماعه فى العماره ما أحد يعرف جاره مين ..

شوف ربنا حا يعمل فى عمارتك زى ما عمل فى القريه

طيب ارغبكوا اكتر فى الدعوه دى خيرها كتير جدا اشتغل مع الله وهو حا يعينك ويساعد ولك اربع جوائز:

1- الثواب العظيم حديث النبى صلى الله عليه وسلم ( لان يهدى بك الله رجل واحدا خير لك من حمر النعم ).

حمر النعم يعنى خير لك من ملئ الارض سيارات مرسيدس مثلا

وحديث اخر خير لك من الدنيا وما فيها ..

وحديث تالت خير لك مما طلعت عليه الشمس.

الشمس بتطلع على ايه .؟ على اطيان وفلوس وقرى ..

هات واحد بس واعينه على طاعه الله وانتى كمان هاتى واحده ..

هديه بسيطه ليها تحبك وتحببيها فى ربنا تبقى خير لك من الدنيا .

من دل على خير فله اجر مثل من دل عليه لا ينقص منه شيئا ..

يعنى انا دعيتك يبقى ثوابك كله فى ميزان حساناتى.. وانت دعيت واحد تانى يبقى ثوابك وثوابه فى ميزان حسناتى ..

وهكذا حسنات حسنات ..ولو توفيت يبقى الثواب شغال على طول..حتى وانت ميت

تخيلوا كل ثواب اهل مصر مثلا فى ميزان عمر بن العاص

2- زياده ايمانك...كثره كلامك عن ربنا مع الناس يزيد ايمانك

3- زياده انتمائك للاسلام..اصبح الاسلام جزءمن حياتك.

انت مقتنع بالاسلام بس لسه مش منتمى..بشده لكن لو تكلمت كتير تتحول القناعه لانتماء

4- انك انت حا تستفيد زياده ثقافه اسلاميه

خلى همك كله انه جميع الناس تخش الجنه..كما كان هم النبى صلى الله عليه وسلم ..

ماذا نستفيد لو الناس دخلت النار ..؟ اصبروا عليهم ورجعوهم لدينهم .

وخليك زى حبيبك لما راح للطفل اليهودى وهو بيموت وجعله ينطق الشهاده .. ومات بعدها طيب استفدت ايه يا رسول

الله ..ادخلته الجنه ..وقال الحمد لله الذى انقذ بى نفس من النار

ويبكى لما يموت يهودى ويسالوا ليه يا رسول الله ده يهودى ...؟

فيقول::: نفس تفللتت منى الى النار

صلح نفسك وخد بايدى الناس

كان يوجد ملك وعنده اتنين بيحبوه قوى فقال لهم انتم لو بتحبونى اذهبوا للقريه دى واتكلموا مع الناس عن كرمى معاكم

واحد مشى وراح يدعوا الناس ...

اما الاخر فقال للملك لا انا بحبك ومش حاسيبك وعايز اجلس معك

مين فيهم احب للملك ..؟ اعتقد المعنى وصل لكم

الدعوه ممكن باخلاقك وصفاتك انا بنت محجبه ومتدينه..وبحب اخواتى واصحابى

وانت رايح للمسجد تصلى خد واحد فى ايدك للمسجد ..احسن لك تصلى فى الصف الثالث ومعاك واحد ممن لو صليت

فى الصف الاول

خلى شعارك انا داعى الى الله

انا خلصت وارجو ان اكون وصلت لكم الذى يريده ربنا منا جميعا

اامل ان اكون وفقت يارب

اللهم ما ملأ بيوت المسلمين خيرا وبركه ..وعافيه وسعاده ..اللهم ما اصرف عنا وعن المسلمين

الهموم والمشاكل والاذى والبؤس والفقر يا رب العالمين

جزاك الله كل الخير أخي أبو هريرة ...
تحياتي لك...

مجاهد سلفي.

بارك الله فيك أخي العزيز

مرورك رائع و الله

ان شاء الله نستفيدجميعا من الموضوع

أخوك بالله : أبو هريرة

بارك الله فيك ابو هريرة

جعلها الله في موازين حسناتك

دمت في رعاية الباري