دخلت بحبها ساري ومن شوقي كسرت الباب
وعيني تذرف الدمعه وتغرق في مدامعها
انا وش جابني وش الدافع وش الاسباب
مع أ ني معاهد نفس عهد مامر موقعها
ريـــاح الشوووق هزتني وجيت ولا حسبت حساب
لأني مضيع نفسي وروحي ضايعه معها
فتاة ينتزع قلبي غلاها نزعة السحاب
بكف اللي يدور له علي حاجه مضيعها
تهيم بنظرة العين الخجوله سحرها جذاب
ولها في قلبي جروح تروع في مواجعها
اون الليل وأبكيها كما ونت قريص الناب
ولا ادري من علي وصلي ولو بالغصب يقنعها
انا هاجرتها بكيفي وقلبي من عذابه تاب
لأني ارفض احساسي يموت بخاتم اصبعها
احسب البعد يشفيني ويجبر قلبي المنصاب
واثاري البعد صيحاته تهز الكون مسمعها
رجعت بشوقي اذكرها وقلبي من عذابه ذاب
وفضلت اقطع كفوفي من المفصل ولا اقطعها
انا اكبر كارثه بالحب وفي صدري حريق الغاب
وجرحي خارطة شبه الجزيره في توسعها
انا من لوعة همومي دموعي تنسري وتنساب
هموم لو قويت اجمع نجوم الليل ما اجمعها
هموم دقن بقلبي سواطي ضربة المحراب
وسقني من فناجيل تسم الريق وابلعها
نعم ما طابت جروحي ولا قلب المعنا طاب
انا وشلون ابنساها وكل احساس يتبعها
احب وحبها مقدر ومكتوب بزماني كتاب
من اللي يمنع اقداره من اللي بس يمنعها
انا والله ما انساها ومهما كانت الاسباب
واذا في حبها بيعه انا من اليوم بايعهااااااا
موضوع: ريح الشوق 
الثلاثاء نوفمبر 04, 2008 11:38 am
