قصص حقيقيه عن محششين

هايدي القصص حقيقية مش تأليف

يا رب اعرف اوصلها



اولا : _

في تنين محشين واحد اسمه محسن وواحد صلاح ساكنين مقابل بعضن البعض

بيوم كانو عما يحششو على البلكون { الشرفه } محسن زعل من صلاح

قام حمل الصحن وقال الصحن الطائر وضرب الصحن على بيت صلاح

قام صلاح حمل الكأس وقال الرزة المزدوجة وضربها على بيت محسن

وبعد ما خلصو على الزجاج الي ببيوتن وقف محسن وقال جونكر

انطلق ونط عن رابع طابق

مرت صلاح خافت عليه قالتله محسن وقع

قام صلاح وقف وقال كودجي انقذه ونط وراه

صحيو لاقو حالن بالمشفى

-----------------------------------------------------



في واحد محشش كان عما بحشش بالغرفه وامه قفلت الباب عليه

عشان كان مصر بدو يروح على البحر

وقف طلع من الشباك تخيل انو البحر اجى لعنده

لبس مايوه وشك ، كانت النتيجه عشر قطب براسه

-----------------------------------------------------------------


اما هايدا الو قصتين

الاولى كان على سطح البنايه بسابع طابق

اجى ينزل قال تخيل انو في سلم

ومشي بالهوى واتو عارفين الباقي طبعاً هايدا سابع طابق بس ما مات


القصه التانيه

كان عنده كلب قال له ابوه اما بتتخلى عن الكلب اما بتترك البيت

كلب ما بدي ببيتي ، اخد اخينا الكلب وراح على الجبل

ربط برجل الكلب اصبعين دينوميت وقال له بحزن ابوي ما بدو ياك

وانا ما بدي اشوفك تتعذب مع غيري عشان هيكا بدي اخلصك

من هالحياة كلها بدي افجرك واريحك

ولع الدينوميت ومشي

وهوي ماشي التفت يودع كلبه اكتشف انه الكلب لاحقة على الدعسه

صار اخينا يركض والكلب يركض لحد ما فجر

وكمانه ما مات المحششين عمرن طويل

--------------------------------------------------

اما هايدا كان عنده كلب كان يدربو زي الافلام الاجنبيه

يرمي الخشبه بالجو ويقول للكلب جيبو

الكلب ينط بالجو ويجيب الخشبة ويعطيه ياها

بيوم راح يصتاد سمك بالدينوميت

اخد الكلب معه

رمى اصابع الدينوميت قام الكلب طار بالجو وجابله ياهن

صار يقول للكلب زتن زتن ولك زتن { يعني ارميهن }

بس الكلب ما فهم وصار هوي يركض والكلب يركض وراه

بدو يعطيه اصابع التفجير لحد ما فجر

----------------------------------------------------

اما هايدا بدو ينزل عن سطح البنايه ربط خيط على شكل سلم ونزل تخيل

بئى على هالنزله ما احلاها عن 5 طابق النتيجة عمليه بظهره

-------------------------------------------------------------

اغرب قصه كان في شوية سكرانين

عما يسكرو بالجبل وحاطين كرتونه عشان ما يبينو على الناس

اجى شباب يصتادو عصافير العصافير ما لاقو يوقفو غير على الكرتونه

والحيط الي فوق منن ، طخو الشباب ببرودة الصيد وما شافو غير مجموعة

السكرانين قامو يصرخو ويقولو علقت الحرب ويركضو

والشباب يركضو وراهن ويقولولن ولكو ما في حرب هايدا نحنا

وقفو نشوف اذا نصبتو او شي

والسكرانين يركضو ويقولو اسرائيل علقت الحرب يا ناس

لوصلو بيوتن

---------------------------------------------------------

هايدي القصص حقيقيه

زي ما قلتلكن